كلنا بنحلم بحياة زوجية سعيدة
دي نصائح سهلة هنلخصها في النقاط الاتيه قد تكون غير مرتبة ولكن ممكن تكون مفيدة بس أولاً نتفق إن السعادة الزوجية تأتي من زوجة صالحة تعمل لصالح زوجها وأولادها مبتغية وجه الله عز وجل - وكذلك أجرها على الله ومن هنا نبدأ :
1) أكتر حاجة تعمل مشاكل في البيت أو حتى بين أي اتنين هي كلمة حقي أو أنا حقي فين أو اشمعنا هو - وعشان كده ليه مش كل طرف فينا يعمل اللي عليه هو قبل مايدور على اللي ليه مثلاً واحنا في المدرسة ينفع ننتظر النجاح قبل المذاكرة والامتحان؟ طبعاً لأ - علشان كده اعرفي واجباتك وأديها كلها الأول علشان محدش يبقى له عندك حاجة وكمان هتلاقي جوزك يقول طب هي مش حرماني من حاجة خلي عندي دم بقى .
2) حاولي تخلقي مع زوجك حوار مشترك دائماً هذا هو أخطر شيء في الموضوع فكثير من الأزواج ليس لديهم حوار مشترك حياتهم باردة ودائماً في شد عصبي لذلك إجعلي بينكما حوار مشترك حتى لو كان تافه المهم يعجبه والأهم إنه يكون شيق ومتجدد وطبعاً لا يكون عن أحداث المنزل أو فلانة وعلانة ولكن عن هواياته - أحلامه في الصغر - أصدقائه قبل الزواج وحياته قبل كده ( لو أراد أن يحكي دون أن تأنبيه على ذلك بعدها ) أو أول مرة شافك كان رأيه إيه وأنتي كمان هتلاقيه بيطلب منك تحكي زيه وهكذا .......- كمان ممكن تكوني مستشاره الخاص .
3) إيه رأيك ولو اتفقتم على إن أي خلاف بينكم مايعديش عليه يوم وتحلوه سوا ونعتذر لبعض قبل أن ننام ومش مهم مين غلطان يعتذر الأول المهم إزالة الخلاف وخلاص فمثلاً لوكان غلطان مرة وصالحتيه أنتي الأول هيردهالك المرة التانية .
4) مشكلة المشكلات معرفة الأهل بأي خلاف أو سر بينك وبينه سواء أهلك أو أهله لأن خلافكم زائل إن شاء الله ولكن الأثر السلبي في نفس الأهل تجاه الطرف التاني باقي وممكن يسبب مشاكل - لاقدر الله - بعد كده ....لذلك حاولي متحكيش أي حاجة لأي حد وقوليله عبارة لن ينساها لكي ( أنت أقرب قريب لي فهل أشتكي القريب للبعيد ؟ - أنا أشكو الدنيا كلها ليك ولا أشتكيك غير ليك ) ويا ريت تنفذي .
5) خلي طلباته كلها رقم واحد عندك وحتى لو عملتي حاجة لأولادك الأول يكون كلامك ليه ( أنا عملت كده لأنهم أولادك أنت وجزء منك وده طبعاً يسعدك ) .
6) ما أوصكيش بقى بالدلع عامليه كأنه طفلك المدلل تجديه دائماً طوع أمرك وحبه ليكي يزيد ويتمنى يجبلك الدنيا عندك وقولي له ( لما تغيب كل الشجر يسحب ظله وتغيب عني روحي - ولما تزعل تضيق بيا الدنيا بما رحبت ) .
7) لو جابلك أي حاجة حتى لو مش حتستعمليها طبعاً تشكريه جداً وتبيني أعجابك الشديد بيها ومتطلبيش منه حاجة في نفس الوقت هيسألك عايزة حاجة قوليله كان نفسي في كذا ربنا يخليك ودايما مغرقني في خيرك .
8) ياريت أول ما يأتي من الشغل لو عندك أي أخبار أو كلام خليها بعد مايرتاح ويتعشى ويجلس معكي وابدأي دائماً بالأخبار الحلوة ثم الأخبار التانية .
* أرجو أن أكون قد أفدتكم ببعض المقترحات وصدقوني دي مجربة مع أصعب رجال العالم في حتى التفاهم من نوع أكتر من سي السيد بشوية والحمد لله
عاملي زوجك كطفل
منقول ........
ليست هناك تعليقات:
إرسال تعليق